के तपाईंलाई कम्मर वा गर्दन दुख्ने समस्या छ?
कम्मर वा गर्दन दुख्नु भनेको के हो ?
कम्मर वा गर्दन दुख्नु कुनै रोग नभएर अरु रोगको कारण आउने लक्षण हो ।
कुन – कुन रोगले गर्दा कम्मर वा गर्दन दुख्छ ?
कम्मर वा गर्दन दुख्नुमा मेरुदण्ड, मांसपेसी र नसा (स्पाइनल नर्भ) को महत्वपूर्ण भूमिका हुन्छ। यी कुनै पनि भागमा समस्या हुँदा कम्मर वा गर्दन दुख्ने हुन्छ।
मांसपेशीको समस्या
- कम्मर वा गर्दनको मांसपेशीमा आउने खराबी
- कम्मर वा गर्दन दुख्ने
हड्डीको समस्या
- डिजेनेरेटिभ चेन्ज (हड्डी खिइने समस्या)
- स्पाइनल बाथ
- मेरुदण्ड बाङ्गिने समस्या
- मेरुदण्ड कडा हुने जस्ता समस्या
नसाका कारण
- डिजेनेरेटिभ – मेरुदण्डको बीचमा रहेको डिस्कमा आउने समस्या
- डिस्क डिजिज र डिस्क प्रोल्याप्सका कारण मेरुदण्डको भित्रबाट निस्कने नसाको जरा – नर्भ रुटमा दबाब पर्दा
- मेरुदण्ड र यसको वरिपरिका अंगमा हुने संक्रमण
- ट्युमर,
- दीर्घ कब्जियत
- ग्यास्ट्राइटिस
- महिलामा पाठेघरको समस्या
- मृगौला र त्यससँग सम्बन्धित अरु अंगहरुमा समस्या
यसका मुख्य कारणहरु के–के हुन् ?
- खराब आसन
- खराब जीवनशैली
- मेरुदण्डको अत्याधिक प्रयोग
के समस्या हो भनेर कसरी पत्ता लगाउन सकिन्छ ?
चिकित्सकले क्लिनिकल्ली जाँच गरेपछि नसाको समस्या पत्ता लगाउन सकिन्छ। क्लिनिकल्ली जाँच गर्दा, कम्मर वा गर्दनमा आउने दुखाइको प्रकृति, सहायक लक्षण र शारीरिक जाँचमा देखिने चिह्न कुन समस्याका कारण आउने दुखाइ हो भन्ने कुरा थाहा हुन्छ। त्यसलाई निश्चित गर्नका लागि एक्स–रे, एमआरआई र केही रक्त परीक्षण पनि गर्ने गरिन्छ।
उपचार
अत्यधिक दुखाइ छ भने दुखाइ कम गर्ने औषधि बाहेक प्राकृतिक चिकित्साका विविध थेरापी, अकुपंचर, अकुप्रेसर, फिजियोथेरापी र आयुर्वेदिक थेरापीबाट जुनसुकै समस्याका कारण आउने कम्मर वा गर्दन दुखाइको उपचार गर्न सकिन्छ।
यी थेरापीहरु कति समय गर्नुपर्ने हुन्छ ?
दुखाइको अवस्था, कारण अनुसारले फरक हुन्छ। सामान्यतया १० दिनदेखि ३० दिनसम्मको उपचारले निको पार्न सकिन्छ।
के सबैलाई निको हुन्छ ?
समस्याको कारण अनुसार फरक हुन्छ। प्राकृतिक तरिकाले उपचारका साथै आसनमा सुधार, नियमित व्यायाम, फिजियोथेरापिस्टले सिकाएको र चिकित्सकले भनेबमोजिम आराम गर्ने गरेमा कम्मर वा गर्दनको दुखाइ सधैंभरिका लागि व्यवस्थापन गर्न सकिन्छ।